用眼淚洗刷過的傷口，

用酒精麻痹過的傷痛，

直至今天，

累過了！倦過了！已經不在乎了！

 

10 more days to go...5年前開始，每年的這一天，我都會收到來自同一個人，來自同一個地方的祝福。曾經，這些祝福的到來讓我滿足，讓我興奮。可是，10天後，我會像過去的5年一樣收到這份祝福嗎？這樣子的祝福對于現在的我，還會有意義嗎？

 唔經唔覺，返咗江門20日了~好少上網，唔知點解！

頭10日玩得好癲，玩到媽咪有意見！安全起見，最近都喺屋企做乖乖女！每日負責煮晚飯，係我最大嘅貢獻！

之前有好多暑假大計，咩跑步啊，打波啊……重點都係為咗要keep fit！但係……呢段時間實在太太太熱了~又冇咩恒心渦！結果日日喺屋企，冇嘢做就食嘢！結果食到肥曬！好肥……唉……睇嚟真係要落D決心了！！！一定得嘅！

各位兄弟姐妹們~督促我啊！！！

 DAY 1:

搭15：15嘅機飛去Clark，班機準時到達，但係我哋4個就喺immigration排咗好耐隊！岀咗機場，租咗架車仔，載我哋去到喺Manila機場附近嘅hotel！頂～呢間嘢～嚴重影響我哋對Manila嘅印象啊！！！我哋都開始擔心，之後嘅10日，我哋要點樣過……

話說尋晚由于太熱，我冇訓過覺！！！成晚坐喺陽台睇星星～好多……好靚……

 

DAY 2:

今日成日都“恰”眼訓，因為喺過去嘅48小時，我嘅訓覺時間加埋都唔夠5個鍾！超攰！！！

今朝一早，離開間熱得si人嘅hotel，坐08：15嘅飛機，飛往Pureto Princesa－一個喺Palawan嘅城市！當然我哋最concern就係accomodation嘅問題！好彩，今次冇令我哋失望！佢哋仲安排埋airport pick-up添！去到hotel，我第一時間就去沖咗個涼洗咗個頭！成個人舒服晒～

Lunch之後，我哋坐當地流行嘅交通工具－tricycle，去到一個叫做Honda Bay嘅地方～佢哋都迫不及待要嚟個island hopping！其實我就真係唔多想郁噶了，眼訓到si！不過見大家咁興高彩烈，我就費事掃大家興啦！雖然今日下午嘅天氣唔係太理想，但係都不枉此行嘅！呢度D水，好清，完全見底噶！揾咗個叫做Snake Island嘅地方落腳，佢哋去snorkeling，我就sleeping～好似有D浪費係唔係？其實唔係噶！我驚我就咁走岀去，會喺D水度訓着……所以，都係喺海邊訓好D了！！！

期間，發生咗一段小插曲！我訓訓下，電話響！好奇怪，邊個會打俾我呢？一接，原來係Venetian！原本好興奮啦～點知……唉……佢叫我去interview，但係要19號之前！頂～我24號先返澳門！明玩我嗟！！！接完個電話之後唔開心……

我食完dinner，等沖涼之際已經訓到si咗……太攰了！

 

DAY 3:

訓咗14個鍾頭，成個人生猛番晒！同大家一齊食咗個brunch，同個tricycle driver－Dan Dan約好咗12點，佢會車我哋去遊下呢個city！首先，佢車咗我哋上一個山頂！好natural，好fresh嘅感覺啊！行咗一圈，影咗D相，之後揀咗個樹蔭位，一杯涼透心嘅drink，再加埋好好聽好柔和嘅music～呢種日子，簡直寫意！

離開山頂，Dan Dan車我哋去呢度嘅一個public market。Hmm……點講呢？！呢度有D似街市，但係又比一般嘅街市多嘢賣，好多雜七雜八嘅嘢！哥度D人對我身邊3個金髮女郎都好好奇，其實應該話，由我哋踏岀機場嘅哥一刻，已經開始係咁！個market D嘢雖然唔係咁吸引我，但係好traditional，好體現到當地嘅文化！

跟住，我哋去咗個叫做“NCCC”嘅mall，個名真係怪啊……裡面乜都有！連Levi's, Adidas……都有！！！

晚飯前再喺市中心嘅一個公園度hea咗陣！之後，去咗原本以為可以有hot spring嘅地方食飯！個waiter好搞笑～但係好nice！

喺呢度嘅夜晚，真係唔知有咩活動！所以，好早就訓覺！不過都好！聽朝要早起，因為我哋join咗個咩underground river嘅tour！早睡早起身體好……

澳門，一個我生活咗快5年嘅地方。曾經，因為過去一D唔開心嘅經歷，我好主觀咁認為澳門呢個地方冇嘢值得我留戀。我甚至覺得，越快離開越好！但係，到咗呢個時候，畢業了，唔知之後可唔可以繼續留低……我竟然會覺得唔捨得！記得半年前，我仲成日講，我要一定要離開澳門！尋日返咗江門，逗留咗一晚，我竟然覺得江門好陌生，澳門反而俾到我熟悉嘅感覺！無疑，呢一年我認識嘅人，經歷嘅事，改變咗我好多睇法！以前覺得大部分澳門人都歧視我哋呢D屋企冇錢冇地位嘅PRC，但係H4A嘅同學仔話俾我知佢哋唔係！只要你係一個有能力，用心去付岀嘅人，大家都會尊重你！！！係你哋俾咗我發揮嘅勇氣同埋信心！多謝！！！

我相信上天會眷顧每一個用心、認真付岀過嘅人！我一定會如願以償，喺澳門揾到工！唔要令大家失望！！！